2022-2023 оны хичээлийн жилийн мэргэжлийн боловсролын 2,5 жилийн ангийн төгсөгчдөд мэргэжлийн боловсролын үнэмлэх гардуулах үйл ажиллагаа 2023 оны 01 сарын 30-ны өдөр Хүүхдийн ордонд боллоо. Энэ хичээлийн жилд 2,5 жилийн ангийг 7 мэргэжлээр 163 суралцагч төгсөж, амьдралынхаа шинэ хуудсыг нээж байна. Энэхүү үйл ажиллагаанд аймгийн ИТХ-ын дарга Б.Ганзориг, Сайншанд хотын захирагчийн ажлын албаны дарга Т.Отгонбаяр нар оролцож төгсөгчдөд ажлын байрны батламж гардуулан, амжилт хүссэн юм.

 

     Суралцах хугацаандаа сурлага, урлаг, спортын амжилтаар бусдыгаа манлайлсан “Барилгын засал чимэглэлчин” төгсөгч Б.Энхбат, “Хэвлэлийн график дизайнч” мэргэжлийн төгсөгч Ч.Дашдорж нар ИТХ-ын өргөмжлөлөөр, “Тогооч” мэргэжлийн төгсөгч П.Түшиг, “Барилгын цахилгаанчин” мэргэжлийн төгсөгч О.Мягмарсүрэн нар Сайншанд сумын Засаг даргын өргөмжлөлөөр, “Хэвлэлийн график дизайнч” мэргэжлийн төгсөгч, жюү жицү бөхийн Дэлхийн аварга шалгаруулах тэмцээний хүрэл медальт Г.Будсүрэн аймгийн БШУГ-ын өргөмжлөлөөр тус тус шагнагдлаа.